Khit Thit သတင်းဌာန၏ ဧပြီ ၂၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၁ ရက် ညနေပိုင်းတင်ဆက်ပေးမယ့်သတင်းတွေကတော့ -ကရင်နီ -ကယားပြည်နယ်၊ လွိုင်ကော်မြို့အဝင်အနီးမှာ အင်အားဖြည့်ဖို့ တက်လာတဲ့ အကြမ်းဖက် စစ်ကောင်စီရဲ့ ယာဉ်တန်းကို KNDF B - 03 နဲ့ ဗိုလ်တစ်ထောင်တပ်ဖွဲ့တို့ကနေ ကြားဖြတ်တိုက်ခိုက် ရာမှာ အကြမ်းဖက် စစ်ကောင်စီရဲ့ စစ်ကား တစ်စီး ပျက်စီးခဲ့သလို ၊ စစ်ကောင်စီတပ်သားတွေလည်း ထိခိုက်သေဆုံးမှုတွေ ရှိသွားတယ်လို့ ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့ရဲ့ တာဝန်ရှိသူတစ်ဦးက ရန်ကုန်ခေတ် သစ်ကို ပြောပါတယ်။ - စစ်ကိုင်းတိုင်း၊ကောလင်းမြို့မှာ တပ်စွဲထားတဲ့ အကြမ်းဖက် စစ်ကောင်စီတပ်က တပ်သား တစ်ဦးနဲ့ ဇနီးဖြစ်သူတို့ CDM ဝင်ရောက်လာသလို ၊ ကောလင်းရဲစခန်းက ရဲ ၂ ဦးလည်း လက်နက် နဲ့ အတူ ထွက်ပြေးသွားတယ်ဆိုပါတယ်။ - မကွေးတိုင်း၊ ထီးလင်းမြို့နယ် အနောက်ခြမ်းမှာရှိတဲ့ ပြည်သူ့အုပ်ချုပ်ရေးအဖွဲ့ရုံးကို အကြမ်းဖက် စစ်ကောင်စီတပ်က တိုက်လေယာဉ်နဲ့ ဗုံးကျဲပြီးတဲ့ နောက် မြေပြင်ကနေ အင်အား ၁၀၀ ကျော်နဲ့ စစ်ကြောင်းထိုးဝင်ရောက်နေတယ်လို့ YRA ထီးလင်း တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ် ကို ပြောပါတယ်။ - မန္တလေးတိုင်း၊ စဥ့်ကူးမြို့နယ်၊ ခက်သင်ရွာက အမျိုးသမီး ၁ ဦးကို အကြမ်းဖက် စစ်ကောင်စီတပ်က ပစ်သတ်လိုက်ပြီး ၊ ပြည်သူ ၃ ဦးကိုပါ ဖမ်းဆီးခေါ်ဆောင်သွားသလို ၊ နေအိမ် ၂၀၀ ကျော်ကိုလည်း မီးရှို့ဖျက်ဆီးခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။